Здравата, разновидна и добро балансирана исхрана е основа за правилен раст и развој на Вашето дете.

 

Таа треба да обезбедува доволно количество хранливи макроелементи, како што се протеините, мастите и јаглехидратите, но, многу значајно е тоа што треба да обезбедува и соодветно количество хранливи микроелементи, а тоа се витамините и минералите. 

Од друга страна, современиот начин на живот, динамичното секојдневие, како и достапноста на брзата храна, која е истовремено честопати и најатрактвна за нашите малечки, претставуваат дополнителен предизвик за обезбедување оптимална исхрана.

Како родители коишто се грижат за здравјето на своите деца, постојано се стремиме нивното секојдневие да биде што повеќе исполнето со корисни активности кои ќе придонесат за нивен подобар психофизички развој, како што е спортот, изучувањето странски јазици и разни други активности и работилници наменети за поттикнување на физичката и на умствената агилност.

Секако, редовната и здрава исхрана е незаменлива основа за овозможување правилен развој на детето. Во таа смисла, и воведувањето мултивитамински додаток, како потпора на секојдневната исхрана, може да биде добар начин за дополнување на хранливите микроелемнети кои се неопходни за здрав раст и развој, а кои не сте секогаш сигурни дека со редовните оброци се обезбедуваат во доволни количини, соодветни на потребите на Вашето дете.

 

Витамините претставуваат есенцијални хранливи микроелементи потребни за правилна функција на организмот и особено се значајни при интензивниот раст и развој на децата. Тие се вклучени во голем број метаболички процеси во телото, кои без нивно присуство не би можеле нормално да се одвиваат. Човечкиот организам не е во можност витамините да ги создава самостојно, поради што е неопходно тие редовно да се внесуваат преку исхраната. 

 

Becutan KIDS VITS Мултивитамини претставува додаток во исхраната со вкус на портокал којшто содржи комбинација на 9 витамини и е наменет за дополнување на исхраната и за поддржување на детскиот раст и развој.

Употребата на сирупот е мошне лесна и практична – еднаш на ден, најдобро наутро по оброк. За дечиња на возраст над 1 година се препорачува примена на половина кафена лажичка (2,5 ml), додека за деца над 4 години се препорачува примена на 1 кафена лажичка (5 ml). 

Доколку е потребно, сирупот може да се раствори во вода или во овошен сок и веднаш да се консумира. Сирупот треба да се протресе пред употреба. 

 

Состав

		Во 2,5 ml.	Во 5 ml.
Витамин Ц	mg	13	26
Витамин Б3	mg	2,7	5,4
Витамин Б1	mg	0,2	0,4
Витамин Б2	mg	0,2	0,4
Витамин Б6	mg	0,3	0,6
Витамин А	mcg	133	266
Витамин Д	mcg	1,25	2,5
Витамин Б12	mcg	0,4	0,8
Витамин Е	mg	3	6

 

Пакување

Секое пакување Becutan KIDS VITS Мултивитамини содржи стаклено шише од 100 ml, упатство за употреба и лажичка за полесно одмерување.