Детскиот психомоторен развој е мошне интензивен и динамичен и Вие како родители се прашувате што може да направите за најдобро да го поддржите Вашето дете во овие процеси. 

Стандардно, најважно е детето да има основни услови за раст и развој, како што се топол дом, чиста вода за пиење, чиста животна средина, физичка активност, грижа, нега... и, секако, правилна и добро балансирана исхрана која вклучува и омега-3 масни киселини. 

 

Која е улогата на омега-3 масните киселини?

Омега-3 масните киселини имаат важна улога во нормалното одвивање на метаболичките процеси во организмот. Особено е значајна докозахексаноичната киселина (ДХА/DHA), која има својство интензивно да се акумулира во мозочното ткиво на децата уште во периодот на раниот развој во мајчината утроба, а и потоа во текот на детството, и е неопходна за одржување на мозочната функција и на видот. 

 

Дали внесувањето на омега-3 масните киселини преку исхраната на Вашите деца ги задоволува потребите на децата?

Еден од предизвиците на денешните родители претставува обезбедувањето доволни количини омега-3 масни киселини во исхраната на своите деца. 

Имено, главен извор на омега-3 масните киселини претставува масната риба, па оттука, имајќи ја предвид достапноста на квалитетна риба, како и локалниот традиционален начин на исхрана, сосема е разбирливо доколку си го поставувате ова прашање.

 

Каква е придобивката од употреба на додатоци во исхраната кои содржат омега-3?

Во денешно време постои избор на додатоци во исхраната базирани на омега-3 масни киселини со кои може да ја збогатите исхраната на Вашето дете. 

Добро е да се знае дека постојат научно одредени стандарди во однос на дневното внесување на омега-3 масните киселини, особено на ДХА, кога се работи за детскиот развој. Оттука и производот од избор треба да биде формулиран според овие стандарди. 

 

Кои се дополнителните предизвици поврзани со додатоците во исхраната базирани на омега-3 масните киселини?

Придобивката од употребата на додатоците во исхраната кои содржат омeга-3 масни киселини е очигледна, но овие производи најчесто имаат специфичен вкус и мирис на риба коишто вообичаено не се прифатливи за децата. Затоа при избор на производ базиран на омега-3 масни киселини, покрај добриот квалитет, значајно e да се внимава тој биде и вкусен за Вашето малечко, на општо задоволство на сите.